யூடியூப் பிரபலத்தின் (Village Food Factory) மகன் திடீர் தலைமறைவு. மதுபோதையில் பிரச்சனையில் ஈடுப்பட்டதால் சிக்கல். டாடி ஆறுமுகம் யூடியூப் யில் மிகவும் பிரபலமானவர். இவரையும், இவரது சமையலையும் தெரியாவதர்கள் யாரும் இருக்கமாட்டார்கள்.
அந்த அளவிற்கு வலையொளியில் இவரது வீடியோக்கள் மக்களிடையே பெரும் வரவேற்பை பெற்றது குறிப்பிடத்தக்கது . மட்டன், சிக்கன் என விதவிதமான உணவுவகைகள் கிராமத்து பாரம்பரிய முறையில் செய்து அசத்தியும் வருகிறார்.
இவரது Village Food Factory எனும் யூடியூப் சேனலை சுமாராக 4 மில்லியன் பேர் பின் தொடர்கின்றனர். இந்நிலையில் புதுச்சேரியில் ஒரு ஓட்டலில் மது போதையில் டாடி ஆறுமுகத்தின் மகன் மற்றும் இவரது சித்தப்பா மகன், நண்பர்கள், உணவகத்தில் உள்ள ஊழியர்களிடம் தகராறில் ஈடுப்பட்டுள்ளனர். இதில் உணவகத்தின் பொருட்களை சேதப்படுத்தி, அங்கு தாக்குதலும் நடத்தியுள்ளனர்.
இது குறித்து உணவக ஊழியர் அளித்த புகாரின் பேரில் முத்தியால் பேட்டை போலீசார் வழக்குப் பதிவு செய்தனர். மேலும் கோபிநாத்துடன் மது அருந்திவிட்டு ஊழியர்களுடன் தகராறில் ஈடுப்பட்ட இரண்டு பேரை கைது செய்துள்ளனர். மேலும் தலைமறைவாக உள்ள யூடியூப் பிரபலம் டாடி ஆறுமுகத்தின் மகன் கோபிநாத்தையும் தேடி வருகின்றனர்.